Bloga

 2014. urtean Izan - Gizakia Helburu proiektuak 741 lagun artatu ditu (798, programa hasi gabe ere bertaratu eta informazioa eskatu dutenak kontuan hartuz gero). Aldi berean, Martuteneko Espetxean beste 40 lagun artatu dira; haietariko 18 kartzelatik irten dira programa egitera, zigorra betetzeko era alternatibo gisa. Hortaz, artatutakoen kopurua ez da nolanahikoa; areago, iazkoa baino handigoa da.

Erabiltzaileek gehien kontsumitzen duten droga alkohola da, beste behin ere; dena den, guztien ezaugarri nagusietarikoa da, hain zuzen, polikontsumitzaileak direla. Kannabisa eta anfeta-metaanfetaminen kontsumitzaile kopurua ere areagotu da. Abenduko datuak oraindik faltan, 90.409 aktibitate programatu dira, erabiltzaileei banaka nahiz taldeka zuzenduak, eta haietatik 83.201 gauzatu dira (%92). Familiei dagokienez, 11.876 aktibitate programatu dira, eta haietatik 9.124 gauzatu dira (%76,8). Aktibitate kopurua, bada, aintzat hartzekoa da, oso, eta gainera askotarikoak izan dira, Banakako Elkarrizketak direla, Familia askoko Taldekoak direla, bestelakoak direla.

Hona hemen erabiltzaileen profil orokorraren inguruko datu batzuek:

- %76,8% gizonezkoak/ %23,2% emakumezkoak.

- %52,3% langabezian, lehen lanean.

- %58 ezkongai.

Urtean zehar 1.325 senidek hartu dute parte antolatutako jardueretan:

453 Anai-Arreba (%34.19), 374 Ama (%28.23), 249 Aita (%18.79), 172 Bikotekide (%12.98), 29 Izeba (%2.19), 16 Osaba (%1.21), 12 Amona (%0.91), 8 Lehengusu (%0.60), 5 Koinatu (%0.38), Koinata 1 (%0.08) eta lagun 1 (%0.08).

2014ean, Gipuzkoako bi futbol talde garrantzitsuenak Hernaniko gure zentroak bixitatu zituzten. Erreala eta Eibar taldeko jokalari eta teknikoek gertutasun handia erakutsi zuten eta balore oso garrantzitsuak helerazi zizkieten Gizakia Helbururen erabiltzaileei: esfortzua, talde lana,…  

 Berriro nabarmendu behar dugu, beste behin ere, bolondresen partaidetza. 106 pertsonak laguntza eman digute Gizakia Helbururen hainbat alorretan.

Maiatzen, behin betiko 2014ko txostena plazaratuko dugu webgunean.