Bloga

Ekainean zehar Bide-Hezkuntzako hainbat jarduera eman dira Hernaniko zentroan. haurten, eskaintza zabalagoa izan da eta Lasaoko Komunitatetik bi talde ere etorri dira.

Hernaniko Udaleko bi udaltzainek eman dituzte eskolak, hamar urte daramatzetenak jarduera honekin, beraz, esperientzia soberan dute. Enpatia handia erakutsi dute bertaratu direnekin, eta oso atseginak izan dira hasieratik. 

Eskolen helburua, hezkuntzarena baino, heziketarena izan da, gidatzeko modu desegokien ondorioez kontzientzia lantzea azpimarratuz, eta ez gidatzeko kodeen ikasketa. Ia bi orduko saioak izan dira, modu atsegin, aktibo eta partehartzaile batean garatu direnak.